Беларуская сінагога адрадзілася ў Парыжы. VR-праект Цэнтра беларуска-яўрэйскай спадчыны стаў часткай пастаяннай экспазіцыі Musée d'Art et d'Histoire du Judaïsme
Беларуская сінагога адрадзілася ў Парыжы. VR-праект Цэнтра беларуска-яўрэйскай спадчыны стаў часткай пастаяннай экспазіцыі Musée d'Art et d'Histoire du Judaïsme
Навіна | 17.07.2025
Віртуальная рэканструкцыя Волпаўскай сінагогі з’явілася ў сталай экспазіцыі Музея мастацтва і гісторыі юдаізму (MAHJ) у Парыжы. Праект, створаны Цэнтрам беларуска-яўрэйскай культурнай спадчыны, стаў адным з першых прыкладаў мультымедыйнай прэзентацыі беларуска-яўрэйскай спадчыны на міжнароднай музейнай пляцоўцы.
Віртуальная рэканструкцыя Волпаўскай сінагогі з’явілася ў сталай экспазіцыі Музея мастацтва і гісторыі юдаізму (MAHJ) у Парыжы. Праект, створаны Цэнтрам беларуска-яўрэйскай культурнай спадчыны, стаў адным з першых прыкладаў мультымедыйнай прэзентацыі беларуска-яўрэйскай спадчыны на міжнароднай музейнай пляцоўцы.
ПАДЗЯЛІЦЦА:
Волпаўская сінагога лічыцца адной з самых прыгожых драўляных сінагог у гісторыі Еўропы. Унікальны будынак, які знаходзіўся на тэрыторыі сучаснай Беларусі, быў цалкам знішчаны падчас Другой сусветнай вайны. Цяпер дзякуючы інтэграцыі архіўных крыніц, гістарычнага аналізу і найноўшых 3D-тэхналогій, каманда Цэнтра беларуска-яўрэйскай культурнай спадчыны стварыла віртуальную мадэль сінагогі з максімальнай гістарычнай дакладнасцю.
— Усё пачалося з маёй рэзідэнцыі ў Парыжы, у гэтым самым музеі, вясной 2022 года, — расказала прадзюсарка праекта Майя Кацнэльсон. — Ужо тады мы распрацоўвалі канцэпцыю мультымедыйнай экспазіцыі Belarus Shtetl, у аснове якой былі VR-рэканструкцыі розных беларускіх сінагог. Таму, калі я ўбачыла ў экспазіцыі MAHJ драўляную мадэль Волпаўскай сінагогі, зробленую студэнтамі ОРТ у 1950-х, узнікла ідэя партнёрства.
Волпаўская сінагога лічыцца адной з самых прыгожых драўляных сінагог у гісторыі Еўропы. Унікальны будынак, які знаходзіўся на тэрыторыі сучаснай Беларусі, быў цалкам знішчаны падчас Другой сусветнай вайны. Цяпер дзякуючы інтэграцыі архіўных крыніц, гістарычнага аналізу і найноўшых 3D-тэхналогій, каманда Цэнтра беларуска-яўрэйскай культурнай спадчыны стварыла віртуальную мадэль сінагогі з максімальнай гістарычнай дакладнасцю.
— Усё пачалося з маёй рэзідэнцыі ў Парыжы, у гэтым самым музеі, вясной 2022 года, — расказала прадзюсарка праекта Майя Кацнэльсон. — Ужо тады мы распрацоўвалі канцэпцыю мультымедыйнай экспазіцыі Belarus Shtetl, у аснове якой былі VR-рэканструкцыі розных беларускіх сінагог. Таму, калі я ўбачыла ў экспазіцыі MAHJ драўляную мадэль Волпаўскай сінагогі, зробленую студэнтамі ОРТ у 1950-х, узнікла ідэя партнёрства.
Куратар Грыгорый Хейфіц і прадзюсарка праекта Майя Кацнельсон ў Музеі мастацтва і гісторыі юдаізму (MAHJ) у Парыжы, каля відэаінсталяцыі з іх праектам / фота Цэнтра беларуска-яўрэйскай культурнай спадчыны / 2025.
Праект, куратарам якога стаў Грыгорый Хейфіц, выконваўся больш за год з поўнай ручной адмалёўкай і гістарычным рэсёрчам музейнага ўзроўню.
— Мы даследавалі архіўныя матэрыялы, стваралі ручныя адмалёўкі, мадэлявалі кожную дэталь. У выніку атрымалася сапраўды музейная праца, якая ўвайшла ў сталую экспазіцыю ў Парыжы. І важна, што цяпер мадэль сінагогі стаіць у цэнтры залы, а не збоку, як было раней, а разам з ёй цяпер экран з нашай відэаінсталяцыяй. З восені да экрана яшчэ дададуць VR-акуляры, каб наведвальнік мог атрымаць аўнавартасны досвед пагружэння ў прастору Волпы, — падкрэсліла прадзюсарка.
Падчас свайго візіта ў Парыж каманда Цэнтра таксама прэзентавала праект на канферэнцыі еўрапейскіх яўрэйскіх музеяў у Парыжы. Там ідэі беларусаў выклікалі вялікую цікавасць міжнароднай музейнай супольнасці.
— Гэта паказвае, што мы працуем на ўзроўні і нават наперадзе многіх музейных практык. І самае галоўнае — гэта падкрэслівае значнасць Беларусі і беларуска-яўрэйскай спадчыны ў еўрапейскай гісторыі, — дадала Майя.
Скрыншот з VR-тура Волпаўскай сінагогі / 2025.
VR-тур Волпаўскай сінагогі таксама даступны на сайце Цэнтра беларуска-яўрэйскай культурнай спадчыны. Ён з’яўляецца часткай шырокай ініцыятывы Belarus Shtetl па стварэнні віртуальнага музея беларуска-яўрэйскай спадчыны, адкрытага для свету.
Калі вы заўважылі памылку ці жадаеце прапанаваць дадатак да апублікаваных матэрыялаў, просім паведаміць нам.
Калі вы заўважылі памылку ці жадаеце прапанаваць дадатак да апублікаваных матэрыялаў, просім паведаміць нам.
ПАДЗЯЛІЦЦА:
Чытаць таксама:
