Працу беларускай мастачкі Алены Рабкінай паказваюць у харвацкім Музеі сучаснага мастацтва. Што за праца? І як яна туды трапіла?
Працу беларускай мастачкі Алены Рабкінай паказваюць у харвацкім Музеі сучаснага мастацтва. Што за праца? І як яна туды трапіла?
Навіна | 27.05.2025
8 траўня ў Музеі сучаснага мастацтва ў Загребе адчынілася выстава The Art of Resistance. Сярод удзельнікаў ёсць і беларуска — Алена Рабкіна, заснавальніца культурніцкай арганізацыі ARSIF. Распыталі ў мастачкі ўсё пра працу і выставу, якую яшчэ можна пабачыць жыўцом да канца чэрвеня.
ПАДЗЯЛІЦЦА:
Музей сучаснага мастацтва ў Загребе (Muzej suvremene umjetnosti, MSU) стаў пляцоўкай для прэзентацыі вынікаў міжнароднага праекта The Arts of Resistance — шматмесячнай мастацкай і даследчай лабараторыі, прысвечанай тэмам антыфашызму і супраціву. У экспазіцыі пад назвай Umjetnost otpora прадстаўлены працы маладых мастакоў з розных краін, сярод якіх — беларуска Алена Рабкіна.
Работа Алены «Другі камень» створана ў 2025 годзе з выкарыстаннем шкла, металу і каменя. Паводле задумы, яна даследуе механізмы эскалацыі гвалту і нянавісці, абапіраючыся на тэорыю разбітых вокнаў. Мастачка звяртаецца да гледача з пытаннем: у якім моманце мы самі становімся саўдзельнікамі?
— Гэта праца стала вынікам васьмімесячнай мастацкай даследчай лабараторыі. Гэты досвед дазволіў мне глыбока зазірнуць на сучасную палітычную сітуацыю і абмяняцца поглядамі з іншымі мастакамі, — распавядае Рабкіна. — Цягам лабараторыі ў мяне паўстала некалькі канцэпцый, але ў выніку я выбрала менавіта гэту працу, таму што яна, на мой пагляд, найболей дакладна адлюстроўвае наш час — з узростам ультраправых рухаў, з маёй асабістай пазіцыяй мігранткі і прадстаўніка ўражанай групы.
8 траўня ў Музеі сучаснага мастацтва ў Загребе адчынілася выстава The Art of Resistance. Сярод удзельнікаў ёсць і беларуска — Алена Рабкіна, заснавальніца культурніцкай арганізацыі ARSIF. Распыталі ў мастачкі ўсё пра працу і выставу, якую яшчэ можна пабачыць жыўцом да канца чэрвеня.
Музей сучаснага мастацтва ў Загребе (Muzej suvremene umjetnosti, MSU) стаў пляцоўкай для прэзентацыі вынікаў міжнароднага праекта The Arts of Resistance — шматмесячнай мастацкай і даследчай лабараторыі, прысвечанай тэмам антыфашызму і супраціву. У экспазіцыі пад назвай Umjetnost otpora прадстаўлены працы маладых мастакоў з розных краін, сярод якіх — беларуска Алена Рабкіна.
Работа Алены «Другі камень» створана ў 2025 годзе з выкарыстаннем шкла, металу і каменя. Паводле задумы, яна даследуе механізмы эскалацыі гвалту і нянавісці, абапіраючыся на тэорыю разбітых вокнаў. Мастачка звяртаецца да гледача з пытаннем: у якім моманце мы самі становімся саўдзельнікамі?
— Гэта праца стала вынікам васьмімесячнай мастацкай даследчай лабараторыі. Гэты досвед дазволіў мне глыбока зазірнуць на сучасную палітычную сітуацыю і абмяняцца поглядамі з іншымі мастакамі, — распавядае Рабкіна. — Цягам лабараторыі ў мяне паўстала некалькі канцэпцый, але ў выніку я выбрала менавіта гэту працу, таму што яна, на мой пагляд, найболей дакладна адлюстроўвае наш час — з узростам ультраправых рухаў, з маёй асабістай пазіцыяй мігранткі і прадстаўніка ўражанай групы.
Алена Рабкіна / «The Second Stone» / шкло, метал, камень / 2025. Фотаздымак з выставы Art of Resistance Музея сучаснага мастацтва Загрэба, Харватыя (MSU)
Яна падкрэслівае, што канцэпцыя працы нарадзілася з асабістых перажыванняў і спроб знайсці свой спосаб супраціву.
— Мы робімся лёгкай мішэнню, і ўзровень прыняцця нянавісці — проста выяўны. Адзіным магчымым шляхам я ўбачыла стварэнне ўсвядомленасці, спробу данесці да гледачоў адчуванне рэальнасці і звярнуць іх увагу на тое, што адбываецца, — тлумачыць мастачка.
Для Рабкінай удзел у выставе ў MSU — значны прафесійны этап. Музей сучаснага мастацтва ў Загребе — адзін з найбуйнейшых культурных інстытутаў Харватыі.
— Магчымасць выставіцца ў Музеі сучаснага мастацтва ў Заграбе стала для мяне неверагодным досведам — у тым ліку і таму, што я апынулася ў атачэнні іншых мастакоў з па-сапраўднаму моцнымі працамі. Мы змаглі з'яднаць нашы галасы і стварыць агульны імпульс у адказ на сённяшнюю складаную палітычную сітуацыю, — адзначае яна.
Выстава The Art of Resistance будзе адкрыта для наведвальнікаў да 21 чэрвеня 2025 года.
Усе матэрыялы ўзяты з асабістых архіваў мастачкі.
Перадрук матэрыялу або фрагментаў матэрыялу магчымы толькі з пісьмовага дазволу рэдакцыі.
Калі вы заўважылі памылку ці жадаеце прапанаваць дадатак да апублікаваных матэрыялаў, просім паведаміць нам.
Усе матэрыялы ўзяты з асабістых архіваў мастачкі.
Перадрук матэрыялу або фрагментаў матэрыялу магчымы толькі з пісьмовага дазволу рэдакцыі.
Калі вы заўважылі памылку ці жадаеце прапанаваць дадатак да апублікаваных матэрыялаў, просім паведаміць нам.
ПАДЗЯЛІЦЦА:
Чытаць таксама:
