Гэту анімацыю беларускай мастачкі зараз паказваюць на фестывалях па ўсім свеце. Пра што яна і ў якіх краінах ужо пабывала, распавядае Паліна Рамашка
Навіна | 28.10.2024
Паліна Рамашка — беларуская ілюстратарка. Нядаўна яна скончыла магістратуру ў Вільнюсе, дзе ў якасці выніковай працы прадставіла свой першы мультфільм.
ПАДЗЯЛІЦЦА:
— Мой праект называецца «Straight and in a Circle» («Прама і па коле»). Ён праз сімвалы і простыя формы расказвае гісторыю таго, хто быў вымушаны пакінуць свой дом у пошуках бяспекі і з нуля будаваць новае жыццё, — распавядае Паліна. — Па сюжэце мультфільма галоўны герой спачатку пачуваецца страчаным і самотным у новым асяроддзі, аднак дзякуючы эмпатыі і падтрымцы прымаючай супольнасці апраўляецца ад траўмы змушанай эміграцыі, здабывае новае пачуццё прыналежнасці і сваё месца ў новым месцы. У праекце я з’яўляюся рэжысёрам і аніматарам, музыку ствараў мой сябр Лаўрынас Камараўкас.
— Мой праект называецца «Straight and in a Circle» («Прама і па коле»). Ён праз сімвалы і простыя формы расказвае гісторыю таго, хто быў вымушаны пакінуць свой дом у пошуках бяспекі і з нуля будаваць новае жыццё, — распавядае Паліна. — Па сюжэце мультфільма галоўны герой спачатку пачуваецца страчаным і самотным у новым асяроддзі, аднак дзякуючы эмпатыі і падтрымцы прымаючай супольнасці апраўляецца ад траўмы змушанай эміграцыі, здабывае новае пачуццё прыналежнасці і сваё месца ў новым месцы. У праекце я з’яўляюся рэжысёрам і аніматарам, музыку ствараў мой сябр Лаўрынас Камараўкас.
Кадр з анімацыйнага мультфільма «Straight and in a Circle» беларускай мастачкі Паліны Рамашка / 2024.
Кадр з анімацыйнага мультфільма «Straight and in a Circle» беларускай мастачкі Паліны Рамашка / 2024.
Невялікая анімацыя пра лёс шэрых птушак, якую мастачка ўпершыню прадставіла сёлета на дыпломным прасмотры ў Вільні, ўжо з’яўляецца на буйных і маленькіх фестывалях па ўсім свеце як самастойны твор.
«Straight and in a Circle» ужо ўдзельнічаў у Girona Film Festival — буйным міжнародным фетывалі ў Іспаніі ў гэтым верасні. Восенню мультфільм чакаюць яшчэ ў двух краінах — Аўстраліі ў межах Multicultural Mental Health Film Festival і Венесуэле падчас фестываля Biencortos. Паказы плануюцца на 31 кастрычніка і 12-15 лістапада адпаведна.
— Паколькі па прафесіі я ілюстратар, больш працую з кнігамі, а «Straight and in a Circle» з'яўляецца маёй першай анімацыяй, я не чакала грандыёзных вынікаў. Проста падавала заяўкі, — дзеліцца мастачка. — Таму, вядома, кожнае пацвярджэнне — гэта вялікая радасць. Прыемна як з пункту гледжання прызнання прафесійнай супольнасцю, так і з пункту гледжання таго, што гісторыю пра мігрантаў зможа ўбачыць шмат людзей у розных кутках планеты.
Кадр з анімацыйнага мультфільма «Straight and in a Circle» беларускай мастачкі Паліны Рамашка / 2024.
Усе матэрыялы ўзяты з асабістых архіваў мастачкі.
Перадрук матэрыялу або фрагментаў матэрыялу магчымы толькі з пісьмовага дазволу рэдакцыі.
Калі вы заўважылі памылку ці жадаеце прапанаваць дадатак да апублікаваных матэрыялаў, просім паведаміць нам.
Усе матэрыялы ўзяты з асабістых архіваў мастачкі.
Перадрук матэрыялу або фрагментаў матэрыялу магчымы толькі з пісьмовага дазволу рэдакцыі.
Калі вы заўважылі памылку ці жадаеце прапанаваць дадатак да апублікаваных матэрыялаў, просім паведаміць нам.
ПАДЗЯЛІЦЦА:
Падобныя матэрыялы
